दिवेश कुमार महतो
महेन्द्रनगर, मंसिर २७ ।
धनुषाको मिथिला नगरपालिका वडा नं.२ नक्टाझिजस्थित हिमालय युवा क्लवको वार्षिक साधारणसभाको अवसरमा सप्ताहव्यापी कार्यक्रम भईरहेको छ । यहि पौष ३ गते हुने सधारणसभाको अवसरमा सप्ताहव्यापी कार्यक्रम अन्तर्गत सोमबार दोस्रो दिन हिमालय युवा क्लवको खेल मैदानमा मोटरसाइकल स्लो प्रतियोगिता सम्पन्न भएको छ ।
मोटरसाइलक स्लोह प्रतियोगितामा १३ जना प्रतिस्पर्धीहरुको सहभागिता रहेको थियो । सो प्रतियोगितामा १ मिनेट सम्म मोटरसाइकल स्लो चलेको थियो । प्रतियोगितामा नक्टाझिजका शिव शंकर महतो (शिवे) प्रथम स्थान ल्याएको छ । यस्तै नक्टाझिजकै महादेव सिंह द्धितीय र लभ कुमार महतो तृतीय स्थान ल्याएका छन् ।
दुर्घटना न्युनिकरण गर्ने उदेश्यले मोटरसाइकल गुडाउने क्रममा हुने सावधानी अपनाउनका लागि आवश्यक पर्ने मोटरसाइकल स्लो प्रतियोगिता हिमालय युवा क्लवब नक्टाझिजले पहिलो पटक आयोजना गरेको थियो । जसमा मोटरसाइकल चालकहरु उत्साहित भएर प्रतियोगितामा सहभागी भएका थिए ।
यसअघि सप्ताहव्यापी कार्यक्रम अन्तर्गत पहिलो दिन हिमालय युवा क्लवको सभाहलमा ‘सामाजिक काममा तपाई को भूमिका’ सम्बन्धमा अन्तरक्रिया गरिएको थियो । यसैबीच तेस्रोदिन मंगलबार आयोजक हिमालय युवा क्लव नक्टाझिजको आयोजना र जनता मावि नक्टाझिजको तत्वधानमा हक्की प्रतियोगिता हुने क्लवका सचिव शिवकुमार सिंहले बताएका छन् ।
नक्टाझिजमा मात्र नभएर मिथिला नगरपालिका मै पहिलो पल्ट मंगलबार हक्की प्रतियोगिता हुन लागेको छ । सो प्रतियोगितामा जनता मावि नक्टाझिजका टिम, बर्दिबासका हक्की टिम र जनकपुरको हक्की टिमको सहभागिता रहेको बताइएको छ । सो खेल मंगलबार १२ बजे देखि हिमालय युवा क्लब नक्टाझिजको खेल मैदानमा हुनेछ ।
यस्तै चौथो दिन सितोरियो कराँते, पाचौं दिन वृक्षारोपन कार्यक्रम, छैठौं दिन सरसफाइ कार्यक्रम र अन्तिम सातौं दिन वार्षिक साधारणसभा, साँस्कृतिक कार्यक्रम, रक्तदान कार्यक्रम र विजेता खेलाडीहरुको पुरुस्कार वितरण कार्यक्रम रहेको सचिव सिंहले जानकारी दिएका छन् ।
