लालगढमा बस र मोटरसाइकल ठोक्किँदा एकजनाको मृत्यु

स्वागतम समाचारदाता
ढल्केवर, पौष १ ।
धनुषाको लालगढमा बस र मोटरसाइकल एकापसमा ठोक्किँदा एक जनाको मृत्यु भएको छ । बसको ठक्करबाट मोटरसाइकल चालक उदयपुरको कटारी नगरपालिका वडा नं. ७ का २७ वर्षीय विकास विश्वकर्माको मृत्यु भएको ईलाका प्रहरी कार्यालय ढल्केवरले जनाएको छ ।
बिहिवार धनुषाको मिथिला नगरपालिका वडा नं. १० लालगढस्थित पूर्व–पश्चिम राजमार्गमा पूर्वबाट नेपालगञ्जतर्फ जाँदै गरेको बा ६ प २५५९ नम्बरको बस र विपरित दिशाबाट आउँदै गरेको बा ५९ प ६८८९ नम्बरको मोटरसाइकल एकापसमा ठोकिएको थियो । दुर्घटनामा विश्वकर्माको घटना स्थलमै मृत्यु भएको ईला प्रहरी कार्यालय ढल्केवरका प्रहरी निरीक्षक प्रदिप सुवेदीले जानकारी दिएका छन् ।