दिवेश कुमार महतो
महेन्द्रनगर, पौष १ ।
धनुषाको मिथिला नगरपालिका वडा नं. २ नक्टाझिजस्थित हिमालय युवा क्लवको खेल मैदानको कनिारामा वृक्षारोपण गरिएको छ । क्लवको वार्षिक साधारणसभाको अवसरमा सप्ताहव्यापी कार्यक्रम अन्तर्गत विहिवार ५आंै दिन क्लको खेल मैदानको किनारमा वृक्षारोपन गरिएको हो ।
सो वृक्षारोपन कार्यक्रममा हिमालय युवा क्लवका अध्यक्ष अरुण कुमार महतो, मिथिला नगरपालिका वडा नं–२ का वडाअध्यक्ष बिहारी महतो, कलवका उपाध्यक्ष विनोद कुमार महतो, सचिव शिव कुमारी सिंह, बाल क्लवका अध्यक्ष दिवेश कुमार महतो, क्लवका सदस्य सत्यनारायण राय, फ्रेस महतो, क्लवका फुटलब टिमका क्याप्टेन अजय राय राजपुत लगायत क्लव र एकता बाल क्लवका प्रतिनिधिहरुको उपस्थिति रहेको थियो ।
खेल मैदानको किनारमा अशोक, जामुन, समी लगायत सयौ विभिन्न प्रजातिको विरुवा रोपिएको क्लवले जनाएको छ । यता क्लवको वार्षिक साधारणसभाको अवसरमा सप्ताहव्यापी कार्यक्रम अन्तर्गत शुक्रवार विहिवार छैठों दिन सरसफाइ कार्यक्रम राखिएको छ भने सातौ दिन पौष ३ गते शनिवार साधारणसभा, रक्तदान, सांस्कृतिक कार्यक्रम र पुरस्कार वितरण कार्यक्रम रहेको छ ।
