स्वागतम समाचारदाता
महेन्द्रनगर, पौष २४ ।
धनुषाको मिथिला नगरपालिका वडा नं. २ स्थित खानेपानी तथा सरसफाइ उपभोक्ता समितिको नवौं वार्षिक साधारणसभा शनिवार सम्पन्न भएको छ । समितिको अध्यक्ष ठकाई महतोको अध्यक्षता तथा मिथिला नगरपालिका वडा नं. २ का वडाअध्यक्ष विहारी महतोको प्रमुख आतिथ्यमा सधारणसभा गरिएको छ । सो साधारणसभामा खानेपानी तथा सरसफाइ उपभोक्ता समिति नक्टाझिजको वार्षिक आयव्यवय, लेखापरिक्षण प्रतिवेदन, उपभोक्ताहरुबाट उठाउन बाँकी रहेको महसुल, उपभोक्ताको नामावली लगायतको प्रतिवेदन सार्वजनिक गरिएको थियो ।
समितिको सार्वजनिक प्रतिवेदन उपभोक्ता समिति अन्तर्गत धारा जडान गरेको ६ सय २० घरधुरीमध्ये ५० प्रतिशत ग्राहकले समयमा महसुल नतिर्दा समस्या हुने गरेको छ । समितिले हाल धारा जडान गरी पानी उपयोग गरिरहेका उपभोक्ता ग्राहकबाट ५ रुपैयाँ भन्दा माथि उपभोक्तहरुमा बाँकी रहेको १ लाख ३४ हजार ३ सय ५० रुपैयाँ वक्यौता उठाउनुपर्ने देखिएको छ ।
समितिले आर्थिक वर्ष २०७७/०७८ मा ८ लाख ५३ हजार ५ सय ६५ रुपैयाँ पानी महसुल संकलन गरेको जनाएको छ । समितिले आर्थिक वर्ष २०७७/०७८ मा ११ लाख २१ हजार ६ सय ४ रुपैयाँ आम्दानी गरेको छ भने विभिन्न शिर्षकमा ९ लाख ६१ हजार ५ सय ५७ रुपैयाँ खर्च गरेको जनाएको छ । समितिको हाल १ लाख ६० हजार ४७ रुपैयाँ बैकमा मौज्दात रहेको वार्षिक प्रतिवेदनमा उल्लेख छ ।
उपभोक्ताहरुले समयमा खानेपानी विल नतिर्दा संचालनमा समस्या भईरहेको अध्यक्ष महतोले बताएका छन् ।
यता साधारणसभाबाटै समितिको सचिवमा मनोज कुमार महतोलाई चयन गरिएको छ । यस अघिका सचिव रामचन्द्र महतोको असामयिक निधन भएपछि सो पद खाली थियो ।
साधारणसभाको अवसरमा जिवछ महतो, भूपु गाविस अध्यक्ष रामप्रसाद महतो, कांग्रेसका नेता सुर्वण महतो, वडासभापति अशेश्वर महतो, जसपाका नेता रामनाथ महतो, वडासदस्य सावित्री देवी महतो, पत्रकार विनोद महतो, हिमालय युवा क्लवका अध्यक्ष शिवराम महतो, एभरेष्ट युवा क्लवका अधयक्ष श्याम महतो, रामविलास महतो लगायतले शुभकामना मन्तव्य राखेका थिए । कार्यक्रममा स्वागत मन्तव्य समितिका सल्लाहकार अरुण कुमार महतोले राखेका थिए भने उद्घोषण शत्रुधन महतोले गरेका थिए ।
