स्वागतम समाचारदाता
महोत्तरी, फाल्गुन ४ ।
महोत्तरी जिल्लाको सागरनाथ जंगलभित्र बुधवार दिउँसो एक महिला मृत अवस्था भेटिएको छ । गौशाला नगरपालिका वडा नं. १२ कान्तिबजार जाने बाटोमा रेल्वे लिकभन्दा ५ सय मिटर अगाडी पहिचान खुल्न नसकेकी एक २५ वर्षीया महिलाको शव फेला परेको हो ।
गर्भवती अवस्थामा रहेकी सो महिलाको घाटीमा निलडाम रहेकोले कसैले हत्या गरी जंगलमा फालेको हुन सक्ने प्रहरीको अनुमान छ । प्रहरीले घटनाको सम्बन्धमा सुक्ष्म रुपमा अनुसन्धान गरिरहेको महोत्तरीका प्रहरी प्रवक्ता डिएसपी प्रकाश विष्टले बताएका छन् । शवको मुचुल्का उठाई पोष्टमार्डमका लागि जलेश्वर अस्पताल लगिएको डिएसपी विष्टले जानकारी दिएका छन् ।
यसअघि मंगलबार साँझ सोही बाटोमा जंगल छेउको विषहरा थान नजिकै रहेको एक होटलमा दुई अबोध बालक फेला परेका थिए । दुवै जना अबोध बालक मृत्तक महिलाकै सन्तान हुन सक्ने स्थानीयहरुले बताएका छन् ।
मंगलबार साँझ फेला परेका दुवै बच्चाहरु अहिले स्थानियवासी दिनेश महतोको आश्रयमा रहेका छन् । नेपाल रेडक्रस सोसाईटी उपशाखा गौशालाका उपसभापति समेत रहेका महतोले ती बालकहरुको संरक्षणमा लिई स्यारसुहार गर्दै आएको जिल्ला प्रहरी कार्यालय महोत्तरीले जनाएको छ ।
यता प्रहरीले ती बच्चा र मृत अवस्थामा भेटिएकी महिलाको सम्बन्ध रहेको छ कि कोणबाट समेत अनुसन्धान शुरु गरेको डिएसी विष्टले बताएका छन् । जंगल छेउमा रहेको स्थानिय दिल बहादुरको होटेलमा मंगलबार साँझ दुवै बच्चालाई छोडेर महिला वेपता भएकी थिईन् । ती महिलाले बच्चाहरुलाई अलपत्र अवस्थामा छोडेर आफुले आत्महत्या गरेहको हा हत्या भएको भने अहिले खुल्न सकेको छैन् । तर ती बच्चाहरुलाई स्थानीयहरुले सोधपुछ गर्दा आफुहरुलाई एउटा अंकलले त्यहाँ छोडेर गएको बताई रहेका छन् । अंकलको नाम थाहा नभएको बच्चा भनिरहेका छन् ।
यस आधारमा महिलाको हत्या भएको हुन सक्ने स्थानीयहरुको आशंका छ । दुई बच्चा मध्ये एउटा करिव ७ वर्षको र अर्को दुई वर्ष मुनिको रहेको स्थानीयहरुले बताएका छन् । ती बच्चाले आफ्नो नाम रामु र भाइको नाम श्यामु भनिरहेका छन् भने बुवाको नाम अजय महतो बताई रहेको भएपनि ठेगाना भन्ने खुल्न सकेको छैन् ।
फेला परेको दुई बच्चालाई स्थानीयले हेरचाह गर्दै र सोधपुछ गर्दै गर्दाको भिडियो
