स्वागतम खबर
महेन्द्रनगर फागुन २८ ।
प्रदेश नं १ को राजधानी विराटनगरमा हुने छात्र हकी प्रतियोगिताका लागि मधेश प्रदेशको एक सामुदायिक विद्यालयबाट ५ जना छात्र छनौट भएका छन् । धनुषाको मिथिला नगरपालिका २ नक्टाझिजस्थित जनता माध्यमिक विद्यालयका ५ जना छात्र मधेश प्रदेश हक्की टिममा छनौटमा परेका छन् ।
जनता माध्यमिक विद्यालय नक्टाझिजमा अध्ययनरत कक्षा– ९, १०, ११ बाट ५ जना छात्र छनौ भएको विद्यालले जनाएको छ । जसमा १ जना किपर र ४ जना छात्र खेलाडी रहेको छ । छनौटमे हुनेमा छात्रहरमा कक्षा–११ बाट उमेश श्रेष्ठ, कक्षा–१० बाट राकेश महतो, कक्षा–९ बाट रञ्जन महतो, अमित राय, अजय महतो छन् । यी पाँजना मध्ये राकेश कुमार महतो किपरका लागि छनौट भएका छन् ।
प्रदेश नं १ को राजधानी विराटनगरमा स्वर्गिय शिखर पुरुष गिरिजा प्रसाद कोइराला स्मृति तेस्रो राष्ट्रिय पुरुष हक्की प्रतियोगिताका लागि मधेश प्रदेशमा प्रदेशस्तरीय छात्र खेलाडी छनौट गरिएको विद्यालयका विद्यार्थी दिवेश कुमार महतोले बताएका छन् । विराटनगरको शहिद मैदानमा अगामी चैत्र ८ गतेदेखि १२ सम्म सो हक्की प्रतियोगिता हुने छ ।
