विनोद महतो
धनुषा, चैत १८ ।
धनुषाको शहीदनगरपालिका वडा नं. ७ धबौलीमा दोस्रो मेयर गोल्डकप फुटबल प्रतियोगिता २०७८ भईरहेको छ । शहीदनगर नगरपालिका वडा नं. ७ धबौलीको रा.प्रा.वि. खेल मैदानमा भईरहेको प्रतियोगिता अन्तर्गत शुक्रवार दोस्रो दिनको खेलमा APF बर्दिवास र भरतपुर युवा क्लवबीच कडा प्रतिस्पर्धा भएको छ ।
सो खेलमा भरतपुर युवा क्लवले जित हात पारेको छ । खेलको निर्धारित समयमा दुवै टिमलले एक-एक गोलको बराबरी खेलपछि खेल पेलान्टी शुटआउटमा पुगेको थियो । पेलान्टीमा भरतपुरले ४ गोल र APF बर्दिवासले ३ गोल गर्न सकेको थियो । शुक्रवारको खेलमा भरतपुर टिमका रविन यादवलाई नगर प्रमुख उदय कुमार बरबरिया यादवले म्यान अफ दि म्याचको कप प्रदान गर्नुभएको छ ।
यस्तै यसअघि विहिवार भएको उद्घाट खेलमा सिरहाको गोलबजार स्पोर्टस क्लव र धनुषाको सामुदायिक विकास मंच (CDF) गोदारबीच प्रतिस्पर्धा भएको थियो । सो खेल पनि दुवै टिमले निर्धारित समयमा कुनै गोल गर्न नसकेपछि खेल पेलान्टीमै पुगेको थियो । पेलान्टीमा गोलबजार टिमले जित हात पारेको थियो ।
यता चैत १९ गते शनिवार हुने खेलमा शहीदनगर नगरपालिका र जनकपुर स्पोर्टस क्लवबीच प्रतिस्पर्धा हुनेछ । यस्तै २० गते श्री स्पोर्टस क्लव धबौली र यज्ञभूमि युवा क्लव धारापानीबीच खेल हुने तालिका छ ।
प्रतियोगिताको पहिलो सेमिफाइनल खेलमा चैत २१ गते सिरहारको गोलबजार स्पोर्टस क्लव र धनुषाको भरतपुर युवा क्लवबीच कडा प्रतिस्पर्धा हुनेछ ।
प्रतियोगिताको अन्तिम फाइनल खेल चैत २४ गते हुने सहआयोजक श्री स्पोर्टस क्लव धबौलीले जनाएको छ । सो प्रतियोगितामा धनुषा, सिरहा र महोत्तरीका जम्मा ८ वटा टिमको सहभागिता रहेको छ ।
शहीदनगर नगरपालिका यदूकुहा धनुषाको आयोजना तथा श्री स्पोर्टस क्लव धबौलीको सह–आयोजनामा प्रतियोगिता संचालन भईरहेको छ ।
