स्वागतम् खबर
महेन्द्रनगर, चैत २० ।
धनुषाको मिथिला नगरपालिका वडा नं. २ नक्टाझिजको कविरनगर नयाँ बस्तीमा आइतबार कबीर कुट्टी आश्रमको समुद्घाटन गरिएको छ । कबीर कुट्टी आश्रमको समुद्घाटन मधेश प्रदेशका उद्योग, पर्यटन तथा वन मन्त्री एवं यस क्षेत्रका प्रदेश सांसद शत्रुधन महतोले समुद्घाटन गरेका हुन् । कुट्टीको समुद्घाटन गर्दै मन्त्री महतोले आश्रममा शौचालय निर्माण र अन्य संरचनाको कामको लागि चुनावपछि सहयोग गर्ने घोषणा समेत गरेका छन् ।
यसैबीच नवनिर्मित कुट्टीमा दुई दिवसीय सन्त सम्मेलन समेत शुरु भएको छ । कुट्टीका सन्त गाछी बाबा नरेश साहेवको संयोजन तथा भारत काशी बनारसका शीवमुनि साहेवको प्रमुख आतिथ्यमा सन्त सम्मेलन भईरहेको छ । सो सन्त सम्मेलनमा विशिष्ट अतिथिको रुपमा रामऔतार साहेव, माहात्मा सतीश साहेव, माहात्मा मनुलाल साहेव, संत प्रो. दुःखी साहेव, रामऔतार साहेव चेतनारायण साहेव, सत्यनारायण आलोकको उपस्थिति रहेको छ ।
यस्तै अतिथिहरुमा महिसोथाका माहात्मा रामऔतार साहेव, सेलराका माहात्मा पञ्चलाल साहेव, सिमल टोकीका सुरज साहेव, बंगठियाका बद्री साहेव, विराटनगरका हरि साहेव, भारत दरभंगका ज्ञानचन्द्र साहेव, धनुषाका गुरुदयाल साहेव, नक्टाझिजका सुर्यनारायण साहेव, गुलरियाका चन्देश्वर साहेव, गोलबजारका रामसेवक साहेव लगायत नेपाल र भारतका सयौं सन्त, माहात्माहरुको सहभागिता रहेको छ ।
यता कबीर आश्रमको समुद्घाटनको अवसरमा कलश यात्रा समेत गरिएको छ । महेन्द्रनरस्थित दुधमति नदिबाट कलश भरेर ल्याएको र कुट्टीमा प्रतिस्थापन गरिएको गाछी बाबा नरेश दासले बताउनु भयो । कलश यात्रामा सबै साधुसन्त, माहात्माहरुको सहभागिता रहेको थियो ।
मिथिला नगरपालिका वडा नं. २ नक्टाझिजस्थित महेन्द्रनगर नजिकै औरही खोलाको पश्चिम उत्तर किनारमा कबीरनगर नयाँबस्ती टोलमा रहेको कुट्टी आश्रममा सोमवार विराट सन्त अखण्ड भण्डारा हुनेछ ।
स्थानीय किशुनदेव यादवले आश्रमका लागि जग्गा दान गरी सहयोग गरेका छन् भने विभिन्न दाता र समाजसेवीहरुको आर्थिक सहयोगमा कुट्टी निर्माण गरिएको छ । कुट्टी निर्माणका लागि महोत्तरीको भंगहा नगरपालिका ४, विर्ताका दिनेश महतो सबैभन्दा बढी सहयोग गरेको गाछी बाबाले जानकारी दिनुभयो ।
