स्वागतम खबर
महेन्द्रनगर, बैशाख १२ ।
बैशाख ३० गते हुने स्थानीय तह चुनावका लागि धनुषाको जिल्लाको बटेश्वर गाउँपालिकामा नेकपा एमालेबाट श्याम सुन्दर महतोले प्रमुख पदको टिकट पाएका छन् । निवर्तमान गाउँपालिका अध्यक्ष डम्बर बहादुर राउत क्षेत्रीलाई ब्याक गरेर श्याम सुन्दर महतोलाई एमालेले टिकट दिएको हो ।
क्षेत्री फेरि चुनाव लड्न गत शुक्रबार पदबाट राजीनामा दिएका थिए । पालिका अध्यक्ष उम्मेदवारको लागि एमाले बटेश्वर गाउँपालिका समितिले ९ जनाको नाम सिफारिस गरेको थियो । सुरुमै उनले छलेर बैठक डाकी एकल नाम सिफारिस गराएका थिए । जसको कारण एमाले भित्र विवाद उत्पन्न भएपछि पालिका कमिटीको पुनः बैठक बसेर क्षेत्रीसहित ९ जनाको नाम सिफारिस गरेको थियो ।
घुस काण्डमा परेको तथा पार्टीका व्यक्तिहरुलाई पनि समेटर जान नसकेको र छुद्र स्वभाव व्यवहारले कलंकित क्षेत्रीलाई पालिका अध्यक्षमा पुनः टिकट नदिन पार्टीभित्रबाट दवाव बढेको थियो । दवावकै कारण अन्तिम समयमा आएर डम्बरलाई आउट गर्दै एमालले युवा नेता श्याम सुन्दर महतोलाई गाउँपालिका अध्यक्षमा टिकट दिएर ईन गरेको छ । व्यवसायी श्याम महतो बटेश्वर गाउँपालिका वडा नं. ५ शान्तिपुरका बासिन्दा हुन् ।
