स्वागतम खबर
ढल्केवर, बैशाख २६ ।
बैशाख ३० गते हुने स्थानिय तह निर्वाचनको अब ४ दिन मात्र बाँकी छ । निर्वाचन आयोगको चुनावी तालिका अनुसार बैशाख ३० गते शुक्रवार हुने चुनावको लागि बैशाख २७ गते राति १२ बजेदेखि मौन अवधी सुरु हुँदैछ । मौन अवधि सुरुभएपछि कुनै पनि उम्मेदवारले चुनावी प्रचार प्रसार, सभासम्मेलन वा मतदाताको घरदैलोमा पुगेर मत माग्न पाउने छैन् ।
अब सोमबार र मंगलबार बेलुकासम्म मात्र मत माग्ने र घरदैलो गर्ने अन्तिम समय रहेको बेला उम्मेदवारहरु भने अहिले जनताको घर घरमा भोट माग्न व्यस्त छन् ।
यहि क्रममा धनुषाको मिथिला नगरपालिकामा माओवादी केन्द्र र जनता समाजवादी पार्टीका गठबन्धनका उम्मेदवारहरुले भोट माग्दै जनतामा घरदैलो अभियानमा व्यस्त छन् । मिथिला नगरपालिकाको माओवादी केन्द्र र जसपाका गठबन्धनका मेयर पदका उम्मेदवार रामकुमार महतो सहित वडाअध्यक्ष पदका उम्मेदवारहरु भोट माग्दै जनताको घरदैलोमा पुग्दै र मत माग्दै छन् ।
जनसेवा र स्वास्थ्य सेवामा पूर्ण रुपमा समर्पित रामकुमार महतो नगरपालिकाको समग्र विकासका लागि आफ्नो मिशन र भिजन सहित अहिले मतदाताको घर घरमा पुग्दै आफ्नो पक्षमा मत माग्दैछन् ।
कृषि, शिक्षा, स्वास्थ्य, सरसफाइ, ढल्केवरमा व्यवस्थित पार्क र ढल व्यवस्थापन, नगरपालिकाको रिंग रोडको विकास, अवैध खोला उत्खनन् बन्द, सुशासन लगायतको मुल मुद्दा र एजेण्डाका साथ उम्मेदवार रामकुमार महतो आफ्नो प्यानल सहित चुनावी मैदानमा छन् । उनले काम गर्ने विकासप्रेमी, न्यायप्रेमी, जनप्रिय, मिशन र भिजन भएको हाम्रा भन्दा पनि राम्रा उम्मेदवारलाई भोट दिएर भारी मतले विजय गराउन मतदातालाई अपिल गर्दैछन् ।
उम्मेदवार महतो आफु सधैँभरि जनताकै बीचमा रहेको र जनताकै सेवामा समर्पित रहेकाले जनताले आफुलाई भारी मतका साथ विजयी गराउनेमा विश्वस्त छन् । पेशाले स्वास्थ्यकर्मी रहेका उम्मेदवार महतो ढल्केवरमा स्वास्थ्य क्लिनिक समेत संचालन गर्दै आएका छन् । आफु पेशाले स्वास्थ्यकर्मी भएपनि लामो समयदेखि नै राजनीतिमा पनि सक्रिय रुपमा लागेको र आफ्नो जिवन नै जनतामा समर्पित गरेकाले जनताले भारी मतले विजयी गराउने दावी गर्छन् । महतोले आफ्नो अन्तिम घरदैलो र चुनावी सभा मंगलबार मिथिला नगरपालिका २ मा गर्ने बताएका छन् ।
यता यसपालीको चुनावमा मतदाताले पनि आफुहरु मिशन र भिजन भएकै उम्मेदवारलाई मत दिने बताउँछन् । जनताको बीचमा पहिचान नै नभएका र पैसाको बलमा राजनीति गर्नेहरु भोली कस्तो विकास गर्ला भन्दै आम सर्वसाधारणहरु पनि सोहि अनुसार हाम्रा भन्दा पनि राम्रालाई रोज्ने र भोट दिने मिथिला नगरपालिका ५ का वकिल कुमार महतो बताउँछन् ।
विगतमा मत दिएर जिताएका जनप्रतिनिधहरु जनतालाई पाँच वर्षमा केही उदाहरणीय कार्य गरेर देखाउन नसकेको र ठग्ने काम मात्र गरेकोले यसपाली आफुहरु पनि सचेत भएको र राम्रालाई नै मत दिने कुरा ढल्केवरका रंजित महतो बताउँछन् ।
विगतमा जनप्रतिनिधीहरु आफ्नो व्यक्तिगत विकास मात्र गरेको र जनतालाई ललिपप मात्र बाँडेको गुनासो गर्दै यसपाली राम्रा उम्मेदवारलाई नै छान्नुपर्ने ढल्केवरकै राजेश यादव बताउँछन् । उनले भन्ने भोट हाले फेरी पाँच वर्ष पछुतो नहोस् कि म कस्तो उम्मेदवार र पार्टीलाई मत दिएर जिताएछु, त्यसैले हामी मिशन र भिजन भएकालाई स्थानीय विकासप्रेमीलाई मात्र दिन्छौं मिथिला नगरपालिका २ नक्टाझिजका युवा सरोज महतो भन्छन् ।
