स्वागतम खबर
महेन्द्रनगर, बैशाख २६ ।
जनतालाई चाहिने आधारभूत आवश्यक र विकासको खाका कोरेर जनलोकप्रिय वडाअध्यक्षका पहिचान स्थापित गरेका महोत्तरी भंगहा नगरपालिका ४ का युवा नेता अशोक कुमार महतोलाई नचिनिने सायदै कोही होलान् । विकास, सुशासन र जनताको सुख दुखका सारथी बन्दै पाँच वर्ष वडावासीलाई सेवा गर्दै लोकप्रियता कमाएका अशोक महतोलाई फेरी त्यही वडावासीले वडाअध्यक्षमा उम्मेदवार बनाएका छन् । उम्मेदवार महतो अहिले लोसपा पार्टीको चुनाव चिन्ह साइकल छाप लिएर चुनावी मैदानमा छन् । उनी वडाका निवर्तमान वडाअध्यक्ष समेत हुन् ।
लोकतान्त्रिक समाजवादी पार्टी नेपाल (लोसपा) पार्टीबाट महोत्तरी जिल्लाको भंगहा नगरपालिकामा वडा नं. ४ मा वडाअध्यक्ष पदमा पुनः जनताले नै उम्मेदवार बनाएपछि अशोक कुमार महतो आफ्नो मिशन र भिजनका बाँकी रहेका केही अधुरा काम पुरा गर्न जनताले आफुलाई पुनः वडाअध्यक्षमा जिताउनेमा विश्वस्त छन् । उनले भने -’मेरो पाँच वर्षको कार्यकालको समिक्षा र मूल्यांकन जनताले गरेको र फेरी मलाई वडाअध्यक्षमा उम्मेदवारी दिन लगाएको छ, त्यसैले म जनताको विश्वास र आर्शिवादले पुनः जनताको सेवक बन्दैछु ।‘
मेरो मिशन र भिजनको केही काम अधुरा छ, अब त्यो पुरा गरेर जनतालाई नमुना र समृद्ध वडाको बासिन्दा भनेर गर्व गर्ने लायक बनाउँछु भने उनको प्रतिबद्धता छ । मेरो जनता मेरो साथमा छ, विकास र समृद्धिको भिजन र मिशन मेरो साथमा छ, यसपाली वडालाई पालिकाकै नमुना वडा बनाउ कुनै कसरी छोड्दिन उनले भने । पाँच वर्ष पहिला एउटा पछाडि परेको समान्य गाउँ, जहाँ वर्षामा हिलामय बाटो र सुख्खामा धुमालमय बाटो थियो, अहिले फेरियो, बाटोघाटो, कृषि, शिक्षा, स्वास्थ्य सेवाको पहुँच गाउँमै भयो, अब नमुना र उत्कृष्ट वडा बनाउने योजना छ र त्यो पुरा गर्छु उनको भनाइ छ ।
जनताको बीच आफ्नो लोकप्रियता देखेर केही विपक्षी पार्टीका उम्मेदवार र नेताहरुलाई ईस्र्या बढ्न थालेको र आफ्नो मतदाता जनतालाई भड्काउन खोजेपनि तिनीहरु आफै परास्त हुने उम्मेदवार महतो बताउँछन् । आफ्नो लोकप्रियता र विकास देखेर विपक्षी दलका पैसाबला उम्मेदवारले जनतालाई पैसा बाँडेर मत किन्न खोजेपनि अन्त्यमा असफल हुने उनको दावी छ ।
पैसाको बलमा कुनै भिजन र मिशन नभएकाहरु पैसाको भरमा कति दिन राजनीति गर्छन्, कतिदिन जनतालाई किन्छन्, जनतालाई किन्ने पैसा भोली गएर कहाँबाट असुल्छन् जनतालाई सब थाहा छ, जनतालाई पैसाको बलमा क्षणिक दिगभ्रमित गरेपनि आफ्नो जित सुनिश्चित रहेको नेता महतोको विश्वास छ । उनले पैसाको लोभमा फसाएर अहिले जनताको मत किन्ने र भोलीको दिनमा पाँच वर्ष भ्रष्टाचारी गरी जनतालार्य नै दुःख दिने त्यस्ता उम्मेदवारबाट सावधान र सचेत हुन मतदाताहरुलाई अपिल गरेका छन् । उम्मेदवार महतोले मतदातालाई पैसाको लोभमा न फस्न र त्यस्ता उम्मेदवारलाई बैशाख ३० गतेको मतदानबाटै मुहतोड जवाव दिन आग्रह समेत गरेका छन् ।
केही पैसाबला उम्मेदवारहरुले निर्वाचन आचारसंहिता विपरित मतदातालाई पैसाको प्रलोभन दिएर मत माग्दैछन् गरेको पाएपछि स्थानीयहरुले त्यस्ता उम्मेदवारलाई मतदानबाटै मुहँतोड जवाव दिने बताउँछन् ।
