स्वागतम खबर
महेन्द्रनगर, बैशाख २७ ।
धनुषाको मिथिला नगरपालिकामा नेकपा माओवादी केन्द्र र जनता समाजवादी पार्टी (जसपा) गठबन्धन गरेर चुनावी मैदानमा छन् । बैशाख ३० गते हुने चुनावको लागि गठबन्धनका मेयर, उपमेयर, वडाअध्यक्ष र वडासदस्य पदका उम्मेदवारहरुले नगरपालिकाको सबै वडामा मत माग्दै घरदैलो कार्यक्रम मंगलबार समापन गरेका छन् ।
मौन अवधीको पूर्व सन्ध्यामा मंगलबार माओवादी केन्द्र र जसपाका उम्मेदवारहरु मिथिला नगरपालिका वडा नं. २ नक्टाझिजमा मत माग्दै घरदैलो कार्यक्रम सम्पन्न मेयरका प्रत्यासी उम्मेदवार रामकुमार महतोले जानकारी दिएका छन् ।
घरदैलोको क्रममा जनताको घर घरमा आफनो गठबन्धनका उम्मेदवारहरुप्रति जनताको उत्साह देख्दा जित सुनिश्चित रहेको उम्मेदवार महतोले बताए । उनले भने –‘जनता अब सचेत छन्, पैसा बाँडेर, साडी बाँडेर जनता ठगिदैन्, परिवर्तनको पक्षमा नै मत हाल्छन्, ।’ आफुहरु जनताको सेवा गर्ने सेवक बनेर पााच वर्ष सेवा गर्ने भावनाका साथ चुनावी मैदानमा रहेकाले जनताले भारी मतका साथ विजयी गराउनेमा गठबन्धनका उम्मेदवारहरु विश्वस्त छन् ।
उम्मेदवार महतोले चुनावी प्रचार प्रसारको क्रममा अन्य पार्टी जस्तो आफहरुले कुनै तामझाम नगरेको बताए । आज तामझाम गर्ने र जनतामा पैसाको विट्टा लुटाउने उम्मेवार भोली जनताकै र पालिकाकै पैसा भ्रष्टाचारी गर्ने चाल जनताले बुझिसकेकाले पनि आफनो गठबन्धनको पक्षमा जनताले मतदान गर्ने उनको दावी छ ।
मिथिला नगरपालिका वडा नं.२ नक्टाझिजका गठबन्धनको तर्फबाट जसपा पार्टीका वडाअध्यक्ष पदका उम्मेदवार रामनाथ महतो (दिनेश)ले जनताले अब पुराना अनुहारलाई विगत पाँच वर्ष देखिसकेको छ, विकास पनि देखिसेको छ, जनता रुष्ट छन् र परिवर्तन खोजेकाले आफ्नो जित निश्चित रहेको दावी गर्छन् । उनले आफु जितेमा पहिलो कार्य शिक्षामा सुधार गर्ने योजना रहेको बताए । आज चुनावी रैलीको क्रममा उम्मेदवार महतोले आफु निर्वाचित भएपछि शिक्षामा सुधार गर्ने कुरालाई पहिलो प्राथमिकतामा राखेर अघि बढ्ने उनले बताए ।
अहिले गाउँ समाजमा देखिएको लागुऔषधको प्रयोगको विकृति, कमै उमेरमा युवाहरु कुलतमा फस्दै गएको अवस्थालाई अन्त्य गरी लागु औषध र दुव्र्यसनमुक्त समाज निर्माणका लागि आफ्नो उम्मेदवारी रहेको भन्दै उम्मेदवार महतोले परिवर्तनको पक्षमा मत हाल्न मतदातालाई अपिल गरेका छन् ।
आजको परिवर्तनले नै भोलीको भविष्य कस्तो हुने हो भन्ने तय गर्ने भएकोले मतदातालाई आफ्नो विवेक प्रयोग गरेर राम्रो र योग्य उम्मेदवारलाई मात्र मत दिएर विजयी गराउन उनले आग्रह गरेका छन् ।
तपाईको एक भोट र मतले तपाईको वडा र पालिकाको भविष्य निर्धारण गर्ने भएकोले परिवर्तनको पक्षमा मतदान गरी सहि उम्मेदवारलाई विजयी गराउन उनले आफ्ना वडाका मतदातालाई अपिल गरेका छन् । उम्मेदवार महतो आफ्नो पार्टीको चुनाव चिन्ह छाता छाप लिएर चुनावी मैदानमा छन् । मिथिला नगरपालिकामा माओवादी केन्द्र र जसपा पार्टीबीच गठबन्धन छ ।
दुवै दलको गठबन्धनमा माओवादी केन्द्रको तर्फबाट मेयरमा प्रत्यासी रामकुमार महतो आफ्नो पार्टीको चुनाव चिन्ह गोलाकार घेराभित्र हसियाँ हथौडा चुनाव चिन्ह लिएर चुनावी मैदान छन् भने उपमेयरमा जसपाका मनुमाया मोक्तान छाता छाप चुनाव चिन्ह लिएर चुनावी मैदानमा छिन् ।
यस्तै मिथिला नगरपालिका वडा नं. २ मा गठबन्धनकै तर्फबाट वडाअध्यक्ष पदमा जसपाका रामनाथ महतो, वडासद्यसय पदमा धनिकलाल यादव, कमलेश महतो, महिला सदस्यमा प्रमिला देवी महतो र दलित महिला सदस्यमा झालो देवी चमार रहेका छन् । घरदैलोको अन्तिम दिन उनीहरु गठबन्धनका उम्मेदवारका पक्षमा मेयरमा रामकुमार महतोलाई गोलाकार घेराभित्र हसियाँ हथौडामा, उपमेयरमा छाता छाप र वडा नं. २ को वडाअध्यक्ष देखि सदस्य पदमा छाता छापमा मतदान गरेर परिवर्तनकारी शक्तिलाई जिताउन मतदाताहरुलाई अपिल गरेका छन् ।
उनीहरुले पैसा बाँड्ने, गिफ्ट बाँड्ने, धम्काउने, ठेक्कदारी गर्ने, प्रलोभन दिएर मत लिन खोज्ने उम्मेदवारहरुलाई चुनावबाटै पाखा लगाउन र आफ्नो मतको सहि सदुपयोग गरेर सहि र राम्रो उम्मेदवारलाई मत दिएर जिताउन आग्रह समेत गरेका छन् । उम्मेदवार महतोले आफुहरुको जीत हुने भनक पाएपछि विपक्षी पार्टीका उम्मेदवारहरुले मतादातालाई विभिन्न प्रलोभन देखाउन थालेकोले मतदातालाई सचेत हुनुपर्नेमा जोड दिएका छन् ।
