स्वागतम खबर
जनकपुरधाम, असार १५ ।
पूर्व पश्चिम लोकमार्ग अन्तर्गत धनुषाको गोदारमा सवारी दुर्घटना हुँदा दुई जना घाइते भएका छन् । धनुषाको गणेशमान चारनाथ नगरपालिकामा पर्ने गोदार नजिकै विद्युत कार्यालयको जीप र मोटरसाईकल ठोक्किएर दुर्घटना भएको हो । दुर्घटनामा मोटरसाइकलमा सवार दुई जना गम्भीर घाइते भएको प्रहरीले जनाएको छ । घाइते दुवै जनालाई उपचारका लागि विराटनगर पठाइएको प्रहरी चौकी पोर्ताहाले जनाएको छ । घाईते हुनेमा मोटरसाईकल चालक सिरहाको कर्जन्हा नगरपालिका ७ का ३० वर्षीय सिकिल दास र सोहि ठाउँका ६० वर्षीय रामप्रसाद साह रहेको रहेको प्रहरीले बताएको छ ।
नेपाल विद्युत प्राधिकरण मधेश प्रदेश जनकपुरको बा.१.ञ २४२३ नम्बरको पहेँलो प्लटेको जीपमा पूर्वतर्फ जाँदै गरेको स.१०.प ९३५५ नम्बरको अपाचे मोटरसाईकल ठोक्किएर दुर्घटना भएको स्थानीयहरुले बताएका छन् । दुर्घटनापछि जीपका चालक धनुषाधान नगरपालिका घर भएका ४० वर्षीय अशोक परियारलाई प्रहरीले नियन्त्रणमा लिएको छ ।
