स्वागतम खबर
महेन्द्रनगर, भदौ ७ ।
धनुषाको क्षीरेश्वरनाथ नगरपालिका महेन्द्रनगरमा शनिवार मैत्रीपूर्ण फुटबल प्रतियोगिता सम्पन्न भएको छ । नेपाली सेनाको श्रीनाथ गण महेन्द्रनगर र क्षीरेश्वर स्पोर्ट युवा क्लवबीच मैत्रीपूर्ण फुटबल प्रतियोगिता भएको छ ।
सो प्रतियोगितामा क्षीरेश्वर स्पोर्ट क्लवले पेलान्टीमा जित हासिल गरेको छ । खेलमा श्रीनाथ गणको टिमलाई दुई गोलको विरुद्ध तीन गोलले हराउँदै क्षीरेश्वर स्पोर्ट क्लव महेन्द्रनगरले जीत हात हासिल गरेको गरेको छ । खेलको निर्धारित समयमा दुवै टिमले कुनै गोल गर्न सकेको थिएन् ।
यता विजेता टिमलाई पुरस्कार स्वरुप खसी प्रदान गरिएको छ । सो प्रतियोगिताको आयोजना क्षीरेश्वरनाथ नगरपालिकाले गरेको थियो । प्रतियोगिताको उद्घाटन र समापन क्षीरेश्वरनाथ नगरपालिकाका नगर प्रमुख सुकदेव यादवले गर्नुभएको थियो ।
विजेता टिमलाई नगर प्रमुख यादवले खसी प्रदान गर्नुभएको थियो । सो अवसरमा श्रीनाथ गणका गणपति सुरेश देवकोटा, क्षीरेश्वरनाथ नगरपालिका वडा नं. ६ का वडाअध्यक्ष विनोद गुप्ता, नेपाल खेलकुद महासंघका केन्द्रीय सदस्य अनिल चौधरी, जिल्ला फुटबल संघ धनुषाका अध्यक्ष केवल मुखिया लगायतको उपस्थिति रहेको थियो ।
