महोत्तरीे बर्दिवासको जिमखानामा आगलागी, झण्डै एक करोडको क्षति

स्वागतम खबर
महोत्तरी, साउन १६ गते ।
महोत्तरीजिल्लाको बर्दिवासमा रहेको एक जिमखानामा सोमबार दिउँसो आगलागी हुँदा करोडौको क्षति भएको छ । बर्दिबास नगरपालिका–२ मेन बजारमै रहेको सिद्धार्थ बैंक समेत भएको घरको तेस्रो तलाको जिमखानामा सोमबार दिउँसो सवा २ बजे आगलागी भएको थियो ।
ईलाका प्रहरी कार्यालय बर्दिबासका प्रहरी नायब उपरीक्षक रवि रावलका अनुसार आगो नियन्त्रणमा लिन दुई वटा दमकल प्रयोग गरिएको थियो । आगलागीबाट करिव एक करोड रुपैयाँ बराबरको क्षति भएको प्रारम्भिक अनुमान गरिएको उनले बताए । बैंक तथा जिमखाना रहेको महमद फारूखको तीन तले घरमा आगलागी भएको प्रहरीले जनाएको छ ।
आगो लागेको जिमखाना सेन्टर अभिषेक झाले सञ्चालन गर्दै आएका थिए । घरको तेस्रो तलामा रहेको जिमखाना (फिटनेश सेन्टर) ट्रेडमिलबाट आगो सल्किएपछि आगलागी भएको बताइएको छ ।

No Result