स्वागतम खबर
महेन्द्रनगर, मंसिर २८ ।
धनुषा निर्वाचन क्षेत्र नं. ४ को प्रतिनिधीसभा तर्फ पुनः मतगणनाको माग गर्दै नेपाली कांग्रेसका उम्मेदवार महेन्द्र यादवले सर्वोच्च अदालतमा रिट दिएका छन् । धनुषा ४ बाट प्रतिनिधीसभामा नेकपा एमालेका उम्मेदवार रघुवीर महासेठ निर्वाचित हुँदा महेन्द्र यादवले १ सय २४ मतले पराजित भएका थिए ।
निर्वाचन आयोगले सार्वजनिक गरेको मत परिणाममा असहमति जनाउँदै यादवले बुधबार सर्वोच्च अदालतमा रिट दिएका हुन् । यादवले निर्वाचन आयोग, मुख्य निर्वाचन अधिकृतको कार्यालय धनुषा, जिल्ला निर्वाचन कार्यालय धनुषा, प्रमुख जिल्ला अधिकारी र एमाले उम्मेदवार महासेठलाई विपक्षी बनाएर रिट दर्ता गराएका हुन् ।
यो रिट सर्वोच्च अदालतको संवैधानिक इजलासमा दर्ता भएको हो ।
