स्वागतम खबर
जनकपुरधाम, माघ ३ ।
मधेश प्रदेशको सभामुखमा नेकपा एमालेका रामचन्द्र मण्डल निर्वाचित हुनु भएको छ । मंगलबार प्रदेशसभामा भएको सभामुखको निर्वाचनमा रामचन्द्र मण्डल निर्वाचित भएका हुन भएको हो । मधेश प्रदेशको सभामुखमा मण्डल निर्वाचित भएको सभाका अध्यक्षता गरेका जेष्ठ सदस्य गोबिन्दबहादुर न्यौपानेले घोषणा गर्नुभयो ।
मत विभाजन एवं हस्ताक्षर मार्फत भएको निर्वाचनमा मण्डलको पक्षमा ७४ मत परेको छ भने विपक्षमा २९ मत परेको छ । सभामुख चयनका लागि प्रदेसभा सदनमा एक सय ३ सांसदहरुको उपस्थित रहेको थियो ।
सभामुखमा निर्वाचित मण्डललाई सत्ता गठबन्धन घटक दल नेकपा एमाले, जनता समाजवादी पार्टी (जसपा), जनमत पार्टी, लोकतान्त्रिक समाजवादी पार्टी, नेकपा माओवादी केन्द्र, राष्ट्रिय प्रजातन्त्र पार्टी, नेपाल संघीय समाजावादी र ४ स्वतन्त्र सांसदले पक्षमा मतदान गरेका छन् । मण्डल धनुषा क्षेत्र नं. १ (ख)बाट दोश्रो प्रदेशसभामा पटक निर्वाचित सांसद हुन् ।
यता विपक्षमा कांग्रेस र नेकपा एकीकृत समाजवादी पार्टीका सांसदले मतदान गरेका थिए । नेपाली कांग्रेसबाट सभामुखमा जंगीलाल राय उम्मेदवारी दिनु भएको थियो ।
प्रदेश सभामा एमालेका २३, कांग्रेस २२, जसपा १६, जनमत १३, लोकतान्त्रिक समाजवादी पार्टी (लोसपा) र माओवादी केन्द्रका ९÷९, एकीकृत समाजवादीका सात सांसद छन् भने नेपाल संघीय समाजवादी पार्टी, राष्ट्रिय प्रजातन्त्र पार्टी र नागरिक उन्मुक्ति पार्टीका एक÷एक जना सांसद छन् । यस्तै पाँचजना स्वतन्त्र सांसद छन् ।
