स्वागतम खबर
ढल्केवर, फागुन १४ ।
धनुषाको मिथिला नगरपालिका १ मा आइतवार आगलागी हुँदा एक जनाको घर पूर्णरुपमा जलेर नष्ट भएको छ । मिथिला नगरपालिका वडा नम्बर–१ स्थित लक्ष्मीनिवासको बसही खोला किनारमा अवस्थित नयाँ टोल (सुकुम्बासी टोल) मा आइतवार दिउँसो आगलागी हुँदा स्थानिय चौठी मुखियाको घर पूर्णरुपमा जलेर नष्ट भएको हो । घरमा आगो लाग्दा स्थानीहरुले घरमा रहेको केही बाख्रालाई खोलेर भगाएका थिए । आगलागीमा भन्ने कुनै मावनीय क्षति भएको छैन् ।
दैनिक जनमजदुरी गरेर घर गुजारा चलाउँदै आएका मुखियाको परिवार घर जलेर खरानी भएपछि विचल्लीमा परेका छन् । आगलागीले घरमा भएको खाने र लाउने सबै सम्मान खरानी भएपछि स–साना बच्चाहरु रहेकाले के लाउने र के खुवाउने भन्ने चिन्ता बढेको भन्दै मुखिया विच्चलीमा परेका हुन् । आगलागी पीडित मुखिया स्थानीय सरकार, दातृ निकाय, रेडक्रस, मानव अधिकारकर्मी लगायतलाई सहयोगका लागि गुहारेका छन् ।
आगलागीबाट मुखियाको घरमा रहेका लत्ताकपडा, अन्नपात गरि करिब एक लाख बराबरको क्षति भएको प्रहरीले जनाएको छ । स्थानीयबासिन्दा र ढल्केवरबाट आएको वारुण यन्त्रको सहयोगमा आगो नियन्त्रणमा लिएको वडा सचिव शिवशंकर प्रसाद सिंहले जानकारी दिनुभयो ।
घर पछाडिको भागमा विहान घुरा तापेर छोडेको र सोहि घुराबाटै सल्किदैँ नजिकै रहेको परालको थुप्रोमा आगो लागेर घरसम्म पुगेको स्थानीयहरुले बताएका छन् ।
स्थानीयहरुको सक्रियताले समयैमै आगो नियन्त्रणमा आएकोले सुकुम्बासी बस्ती सखाप हुनबाट जोगिएको छ । प्रायः कच्ची र फुसकै घरहरु रहेको सो बस्तीमा करिव तीन वर्षदेखि विभिन्न ठाउँबाट आएका सुकुम्बासीहरु घर बनाएर बस्दै आएका छन् ।
अब हावाहुरीको समय आएकाले स्थानीयहरुले सो बस्ती सचेतना अपनाउनु पर्ने देखिन्छ । स्थानीयहरुका अनुसार सो बस्तीका अधिकांश अभिभावकहरु दिनभरि जनमजदुरी गर्न घर बाहिर हुन्छन् भन्ने बाल बच्चा र केही महिलाहरु मात्रै घरमा हुन्छन् ।
