स्वागतम खबर
महेन्द्रनगर, बैशाख ९ ।
धनुषाको लक्ष्मीनियाँ गाउँपालिका ३ गजरिया बस्ने विल्टु साहले आफ्नो जग्गा छिमेकीले बलपूर्वक आफ्नो कब्जा गर्न खोजेको बताएका छन् । साहले क्षीरेश्वरनाथ नगरपालिका ३ को पर्सा पकडियामा औरही नदी किनारमा पर्ने आफनो तीन कठ्ठा जग्गा छिमेकीले कब्जा गर्न खोजेको बताए । आफ्नै छिमेकी परिक्षण राउत, रामअशिष राउतले आफ्नो तीन कठ्ठा जग्गा बलपूर्वक कब्जा गर्न खोजेको आरोप लगाएका छन् ।
पछिल्लो पटक गत चैत ३० गते छिमेकी राउतद्धयले बलपूर्वक जेसिवि लगाएर खेतको आली र रुख तोड्दै सम्माएर जग्गा कब्जा गर्न खोजेको बताए । सो क्रममा आफ्नो जग्गामा किन जेसिवि चलाएको भनेपछि प्रतिकारमा उत्रन खोज्दा आफु ज्यानै जोगाएर पछि हटेको साहको भनाई छ ।
बाबा पूर्खाले नै सो जग्गा किनेको र आफुले पचासौ वर्षदेखि जोतभोग गर्दै आउको भएपनि लालपूर्जा बनाउन नसक्दा छिमेकी राउतद्धयले कब्जा गर्न खोजेको जग्गा दावीकर्ता साहको आरोप छ । उनले भन्ने –‘ठिक छ म सँग जग्गाको लालपूर्जा छैन् तर कब्जा गर्नेले पनि त लालपूर्जा ल्याउनु पर्यो नि, जग्गा उसको हो भन्ने त लालपूर्जा ल्याउनु पर्छ म छोडदिन्छु तर उनीहरुसँग पनि लालपूर्जा नभएपछि म कसरी आफ्नो जग्गा कब्जा गर्न दिन्छु ।’
पचासौ वर्षदेखि आफुले किनेर जोतभोग गर्दै आएको जग्गामा छिमेकी राउतद्धयले पटक–पटक कब्जा गर्न खोजेपछि आफुले छलफल र न्यायको लागि ईलाका प्रहरी कार्यालय महेन्द्रनगरमा निवेदन दिँदा पनि कुनै सुनवाई नभएको साहले गुनासो समेत गरेका छन् । प्रहरीले विपक्षीलाई बोलाएर विगतमा भएको सहमति अनुसार विवाद समाधान गर्नुपर्ने साहको माग छ ।
यसअघि दुई वर्ष पहिला पनि उनीहरुले सोही जग्गा कब्जा गर्न खोजेपछि ईलाका प्रहरी कार्यालय महेन्द्रनगरमा निवेदन दिएपछि छलफल गरिएको थियो । सो छलफलबाट जग्गा मेरो रहेकोले विपक्षीले आइन्दा दावी वा कब्जा नगर्ने भनेर कागज समेत बनेको साहको दावी छ । तर सो सहमति विपरित छिमेकी राउतले फेरी आफ्नो जग्गा बलपूर्वक कब्जा गर्न खोजेको साहले भने । रेडियो स्वागतमसँग कुरा गर्दै जग्गा दावीकर्ता साहले ईलाका प्रहरी कार्यालयले छिटो यसको निकास दिएन भने आफु क्षीरेश्वरनाथ नगरपालिकाको न्यायिक समितिमा जाने बताए ।
पीडित साहले क्षीरेश्रनाथ नगरपालिका ३ का वडाअध्यक्ष लगायत जनप्रतिनिधीहरुलाई पटक पटक भन्दा पनि कुनै सुनवाई नगरेको र उल्टै राउतद्धयको पक्षमा लागेको गुनासो गरे । लाठीको बलमा अर्काको लालपूर्जा नभएको जग्गा कब्जा गर्ने राउतद्धयले स्थानीय जनप्रतिनिधी र प्रहरीलाई आफ्नो पक्षमा राख्न आर्थिक प्रलोभन समेत दिने गरेको पीडित साहको दावी छ ।
यता लक्ष्मीनियाँ गाउँपालिका ३ गजरिया बस्ने रामअधिन राउतको जग्गा समेत राउतद्धयले कब्जा गरेको छ । रामअधिनका अनुसार आफ्नो र भाइको मिलाएर ४ कठ्ठा जग्गा छिमेकी विल्टु राउत र रामअशिष राउतले लाठीको बलमा कब्जा गरेको आरोप लगाएका छन् । आफु कमजोर रहेकाले लडाई झगडमा नगएको तर गाउँमा पञ्चायत गर्न पटक पटक आग्रह गर्दा पनि कसैले सहयोग नगरेको गुनासो गरेका छन् ।
छिमेकीले जग्गा कब्जा गरेपछि रेडियो स्वागतमसँगको कुराकानीमा के भने जग्गा दावीकर्ता विल्टु साह (भिडियो)
