स्वागतम खबर
जनकपुरधाम, बैशाख १० ।
मधेश प्रदेशको राजधानी जनकपुरधामा एक घरबाट लाखौंको सरसमान चोरी भएको छ । जनकपुरधाम उपमहानगरपालिका १६ पुल्चोकस्थित गंगा प्रसाद साहको घरमा चोरी भएको छ । पुल्चोकस्थित दक्षिण मोडहमा रहेको साहको उकतल्ले घरमा कोही नभएको मौका छोपेर चोरले चोरी गरेको छ ।
साह स– परिवार सहित बैशाख २ गते देखि नै भारतको बाबाधामको तिर्थयात्रामा गएको बेला घरमा कोही नभएको मौकामा चोरले घरबाट नगद, सुनचाँदी लगायतका लाखोंको सरसमान चोरी गरेको घरधनी साहले बताउनुभयो । साहका अनुसार घरबाट २० तोला सुन, ६५ तोला चाँदी, ८ लाख नगद र एक थान डेलको ल्यापटप चोरी भएको छ ।
चोरले घर बाहिरको गेटको ताल्चा र कथकला काटेर भित्र प्रवेश गरी सबै ढोकाको ताल्चा र हथकला काटेर दराज तथा पेटीमा रहेको उक्त परिमाणको गरगहना, नगद र ल्यापटप चोरी गरेको साहको भनाई छ ।
चोरी घटनाबारे आफुहरु बाबाधामबाट बैशाख ८ गते फर्किदा विहान मात्र थाहा पाएकोले बताए । घरमा चोरीको घटना बैशाख २ गतेदेखि ८ गते बिचमा भएको हुनसक्ने अनुमान गरिएको छ । यता चोरी घटनाबारे प्रहरीमा जानकारी गराएको घरधनी साहले जानकारी दिनुभयो ।
