स्वागतम खबर
महेन्द्रनगर, असार २३ ।
धनुषाको क्षीरेश्वरनाथ नगरपालिका ७ दुर्गाटोलस्थित मिथिला कृषि तथा पुशपन्छी पालन फार्मले शनिवार दोस्रो सार्वजनिक सुनवाई कार्यक्रम गरेको छ । फार्मका अध्यक्ष रामनरेश महतोको अध्यक्षता तथा क्षीरेश्वरनाथ नगरपालिका ७ का वडाअध्यक्ष मो. मोबारक कवाडीको प्रमुख आतिथ्यमा दोस्रो सार्वजनिक सुनवाई कार्यक्रम सम्पन्न गरेको छ ।
सार्वजनिक सुनवार्य कार्यक्रममा फार्मका संचालन अध्यक्ष महतोले फार्म स्थापनादेखि लिएर हालसम्मका कार्य र भएको खर्च विवरण प्रस्तुत गर्नुभएको थियो । कार्यक्रममा वडासदस्य रामप्रकाश यादव, क्षीरेश्वरनाथ धर्म संस्थाका अध्यक्ष तथा स्थानीय समाजसेवी मदन घिमिरे लगायतका वक्ताहरुले आ–आफ्नो विचार राख्नु भएको थियो ।
२०७८ चैत १५ गतेदेखि सुरु गरिएको सो फार्ममा खोर सहित हाल ९० वटा बाख्रा, ४ वटा उन्नत जातका बोका, एकथान च्यापकटर रहेको छ ।
नेपाल सरकारको कृषि तथा पशुपन्छी विकास मन्त्रालय अन्तर्गत नेपाल लाइभस्टक सेक्टर इनोभेसन आयोजनको विकेन्द्रकृत आयोजना सहयोग इकाई मकवानपुर हेटौडाको २४ लाख (५० प्रतिशत), वित्तीय संस्था जानकी फाइनान्स जनकपुरको १४ लाख ४१ हजार र फार्मको ९ लाख ५९ हजार ५ सय २६ रुपैयाँ गरी कुल ४८ लाख पाँच सय २५ रुपैयाँका लागतमा फार्म संचालन गरिएको छ ।
फार्मले खसी, बोका उत्पादन गरी मासुजन्य उत्पादन वृद्धि गर्ने उद्देश्यका साथ संचालन गरिएको संचालक महतोले जानकारी दिनुभयो ।
