विनाेदकुमार महताे
धनुषा, मंसिर ३ /
धनुषाबाट पारिवारिक भ्रमणको शिलशिलामा इलामको कन्याम पुगेर फर्कदै गरेको बस दुर्घटना हुँदा दुईजनाकाे मृत्यु भएकाे छ । मृत्तककाे नाम खुल्न बाँकी छ । मृत्तकमध्ये एकजना बालिका रहेकाे छ भन्ने एक पुरुष रहेकाे बताइएकाे छ ।
धनुषाको धनुषाधाम नगरपालिका ९ मुर्गिया टाेल बस्ने सेते लामा सहित उहाँका टाेल छिमेकीहरु पारिवारिक भ्रमणकाे लागि इलाम पुगेकाे थियाे । ईलामकाे कन्याम पुगेर फर्कने क्रममा आइतबार बेलुका बस दुर्घटनामा परेकाे छ । बस रोङ गाउँपालिका– ३ कोल्बुङमा सडकबाट करिव तीनसय मिटर तल झरेकाे छ ।
जिल्ला प्रहरी कार्यालय इलामका प्रहरी उपरीक्षक बासुदेव खतिवडाका अनुसार ना ६ ख ८४२४ नम्बरको बस मेची राजमार्गबाट करिब तीन सय मिटर तल झरेकाे हाे ।
बेलुका साढे ५ बजे दुर्घटनामा परेको बसमाा ३७ जना सवार रहेको उनले बताए । बसमा सवार मध्ये ३६ जनाको उद्दार गरी उपचारका लागि विर्तामोड पठाइएको छ । केही घाइतेहरुकाे अवस्था गम्भीर रहेकाे प्रहरीले जनाएकाे छ । घटनाकाे पुर्ण विवरण अहिले आउन बाँकी छ ।
