स्वागतम खबर
धनुषा, पुस ६ ।
नदीउकास क्षेत्रमा बगरखेती तर्फ स्थानीय विपन्न समुदायलाई अभिप्रेरित गर्न धनुषामा आज जिल्ला स्तरीय बगर संजाल गठन गरिएकाे छ । जिल्लामा विभिन्न नदी र खाेला उकास क्षेत्रमा खेतीपाती गरेर जिविकाेपार्जन गर्दै आएका समूह र समुदायलाई समेट्दै जिल्ला स्तरीय बगर संजाल गठन गरिएकाे छ । बगरखेती गर्दै आएकाे समूह र विपन्न समुदायलाई बगर खेतीमै अभिप्रेरित गर्न, टिकाउन र खेतीपातीकाे लागि प्राविधिक सीप, स्राेतसाधन उपलब्ध गराउने उदेश्य सहित बगर संजाल गठन गरिएकाे जनाईएकाे छ ।
साेनेलाल चाैधरीकाे अध्यक्षतामा गठन गरिएकाे साे संजालकाे उपाध्यक्षमा रामनारायण यादव, सचिवमा शान्ति देवी यादव, सहसचिवमा जितेन्द्र यादव,काेषाध्यक्षमा रामकुमारी मुखियालाई चयन गरिएकाे छ । यस्तै संजालका सदस्यहरुमा राजकुमार यादव, हरि दास, नागेन्द्र यादव, रामा यादव र साजाे मुखियालाई चयन गरिएकाे छ । बगर जग्गामा विपन्न समुदायको पहुँचमा अभिवृद्धि र आइपरेको समसयाहरूलाई सम्बन्धित सरोकारबाला सँग समन्वय गरि समाधानको बाटो पहिल्याउने संजालका अध्यक्ष चाैधरीले बताउनुभयाे ।
धनुषामा क्षिरेश्वरनाथ नगर पालिका, लक्ष्मिनियाँ गाउँपालिका,मिथिला बिहारी नगरपालिका, हँसपुर नगरपालिका, धनुषाधाम नगरपालिकाकाे जलाध, औरही,बसही लगायतकाे नदी तथा खाेलाबाट प्रभावित टोलको बगर समुहको प्रतिनिधीहरुकाे भेलाले संजाल गठन गरेकाे छ ।
हेल्भेटास नेपालकाे सहयाेगमा मानव कल्याण समाज नेपाल धनुषाले बगर खेती गर्ने विपन्न समुदाय तथा समूहलाई विउँविजन लगायत प्राविधिक सहयाेग गर्दै आएकाे समाजका कार्यकारी निर्देशक प्रमाेद यादवले जानकारी दिनुभयाे ।
