विनाेद महताे
जनकपुरधाम, पुस २६ ।
मधेश प्रदेशकाे राजधानी जनकपुरधाममै अत्याधुनिक सुविधासम्पन्न Craniofacial Center Nepal (सिएफसि हस्पिटल) संचालन भएपछि जन्मजात अनुहार विग्रेका, तालु र ओठ काटिएका विरामीकाे उपचारमा सहजता भएकाे छ । जनकपुरधाम उपमहानगरपालिका-८ परिक्रमा सडक खण्डको ज्ञानकुप स्कुल नजिक संचालित CFC हस्पिटलले विगत करिव दुई वर्षदेखि जन्मजात तालु, ओेठ, गाला काटिएकाे र च्यात्तिएको वा विग्रेकाे विरामीकाे उपचार नि:शुल्क गर्दै आएकाे जनाएकाे छ ।
शरीरकाे घाँटी भन्दा माथिकाे भागकाे सम्पूर्ण उपचार तथा अनुहार विग्रेकाे प्लास्टिक सर्जरी सेवा प्रदान गर्दै आएकाे हस्पिटलका म्यानेजर कृष्ण कर्णले जानकारी दिनुभयाे । हस्पिटलले यस्ता विरामीहरुकाे सेवाका लागि मधेशका विभिन्न ग्रामीण ईलाका र पालिकाहरुमा स्वास्थ्य शिविर समेत संचालन गर्ने गरेकाे छ । सेवाभावले शिविर संचालन गर्ने र शिविरमा तालु, ओठ काटिएकाे अनुहार विग्रेका वा विभिन्न दुर्घटनामा चाेटपटक लागेर अनुहार विग्रेका बच्चा र विरामीलाई संकलन गरि नि:शुल्क रुपमा जाँडपड्ताल, सर्जरी, प्लास्टिक सर्जरी, शल्यक्रिया लगायत आवश्यक स्वास्थ्य सेवा प्रदान गर्दै आएकाे म्यानेजर कर्णले बताउनुभयाे । चाैविसाै घण्टा सेवा उपलब्ध गराउँदै आएकाे सिएफसि हस्पिटलले त्यस्ता विरामीकाे सहजताका लागि ईमर्जेन्सी, ओपिडी, आईसियु र एम्बुलेन्स सेवा समेत प्रदान गर्दै आएकाे छ । हस्पिटलले यस्ता प्रकृतिका विरामी खाेजीका लागि फिल्ड सुपरभाइजर समेत खटाउँदै आएकाे छ ।
विगत लामाे समयदेखि लण्डन र अमेरिकामा बसेर सेवा गर्दै आउनुभएका डा. सुनिल साहले यस्ता प्रकृतिका विरामीलाई सेवाकाे लागि बाहिर जानुपर्ने र अनावश्यक रकम खर्चिनुपर्ने अवस्थालाई मध्येनजर गर्दै सबैकाे सहजताका लागि मधेशकाे जनकपुरधाम हस्पिटल गर्नुभएकाे म्यानेजर कर्णले भन्नुभयाे ।
उहाँका अनुसार दक्ष विदेशी चिकित्सकहरुकाे प्रत्यक्ष निगरानी र लगानीमा नि:शुल्क सेवाभावले हस्पिटल संचालन गरिएकाे छ । साे हस्पिटलले संचालनकाे छाेटाे अवधिमै सयाैं यस्ता विरामीलाई सेवा प्रदान गरिसकेकाे छ भने प्रत्येक हप्ता स्थानीय सरकारकाे समन्वयमा शिविर संचालन गर्दै आएकाे जनाएकाे छ ।
सुनाैं हस्पिटलका म्यानेजर कृष्ण कर्णसँग गरिएकाे कुराकानी
