स्वागतम खबर
महेन्द्रनगर, माघ २०
धनुषाको मिथिला नगरपालिका -२ नक्टाझिजमा नगरस्तरीय खुल्ला ब्याडमिन्टन प्रतियोगिता सम्पन्न भएको छ।
प्रगतिशिल नेपालको आयोजना तथा मिथिला नगरपालिका वार्ड नं २ को आर्थिक सहयोगमा दुई दिने नगरस्तरीय खुल्ला ब्याडमिन्टन प्रतियोगिता सम्पन्न भएको हो। शुक्रबार देखि सुरु भएको सोही प्रतियोगितामा भेट्रान, जुनियर र सिनियर गरी तिन समुहमा विभाजन गरेर खेल खेलाइएको थियो ।
“स्वास्थ्यका लागि खेलकुद ,राष्ट्रका लागि खेलकुद” भन्ने मुल नाराका साथ आयोजित नगरस्तरीय खुल्ला व्याडमिन्टन प्रतियोगितामा सिनियर तर्फ दिपक खड्का र राजकुमार विक प्रथम भएका छन् । यस्तै विजय केसी र राजकुमार खड्का द्वितीय ,अजय कुमार महतो र महेश सिंह ,संतोष महतो र देवी ब. तोलाङगी तृतिय भएका छन् भने जुनियर तर्फ महादेव सिंह र अमरजित राय प्रथम, सुदिप कार्की र बादल ठाकुर द्वितीय ,तृतीय तर्फ कृष्ण कुमार महतो र जितेन्द्र कुमार महतो, विपुल महतो र केवल राउत भएका छन्।
त्यस्तै भेट्रान तर्फ विनोद सिंह र विश्वेश्वर साह प्रथम,नरेन्द्र कार्की र सर्वनाथ महतो द्वितीय अरुण कुमार महतो र बच्चे लाल महतो ,विजय कुमार महतो र शिवराम महतो तृतीय भएका छन्।
विजेता खेलाडीहरुलाई मिथिला नगरपालिका का नगर प्रमुख महेन्द्र महतोले मेडल ,सिल ,प्रमाण पत्र र नगद पुरुस्कार प्रदान गरेका थिए। मिथिला नगरपालिका वार्ड नं २ का वाडा अध्यक्ष बिहारी महतोले खेलाडीहरूलाई सम्मान गर्दै खेलप्रति आकषिर्त गराउने र स्वास्थ्यमा अनुकुल प्रभाव पार्ने भएकोले खेल निरन्तर रुपमा अभ्यासमा उतार्नु पर्ने बताउनुभयाे ।
