स्वागतम खबर
महेन्द्रनगर, बैशाख २४ ।
धनुषाकाे क्षीरेश्वरनाथ नगरपालिकाकाे भाेली मनाउन लागिएकाे १०औं वार्षिकोत्सब तथा स्थापना दिवसकाे अवसरमा आज अन्तर विद्यालय वक्तृत्वकला प्रतियोगिता २०८१ सम्पन्न भएकाे छ । क्षीरेश्वरनाथ नगरपालिकाकाे महेन्द्रनगरस्थित दर्शनिया रामेश्वर सिंह कुशवाहा ऐकेडेमी स्कुलमा संथापक तथा प्रिन्सिपल जगदिश प्रसाद सिंहकाे अध्यक्षता तथा नगर प्रमुख सुखदेव यादवकाे प्रमुख आतिथ्यमा “नगर विकासमा नागरिककाे अपेक्षा ” विषयमा वक्तृत्वकला प्रतियोगिताकाे गरिएकाे थियाे ।
साे वक्तृत्वकला प्रतियोगितामा दर्शनिया रामेश्वर सिंह कुशवाहा एकेडेमी स्कुलका ललित कुमार महताेले प्रथम स्थान ल्याएका छन् । यस्तै प्रतियोगितामा साेही स्कुलका विद्यार्थी कृपा घिमिरे द्वितीय , रुविज ईन्टरनेशनल स्कुलका विद्यार्थी नुसरत खातुन तृतीय स्थान ल्याएका छन् । यता मा.वि. बनिनियाँ गाेपालपुरका मुकेश यादव चाैथाे र सरस्वती मा.वि. स्कुलका विद्यार्थी चाँदनी ठाकुर पाँचाै स्थान ल्याएकाे नगरपालिकाका शिक्षा शाखा प्रमुख दिपक खत्रीले जानकारी दिनुभयाे । प्रतियोगिताका विजेता विद्यार्थीहरुलाई क्षीरेश्वरनाथ नगरपालिकाकाे १०औं वार्षिकोत्सब तथा स्थापना दिवस अवसरमा बैशाख २५ गते मंगलबार भव्य कार्यक्रमका बिच पुरस्कार वितरण गर्ने उहाँले बताउनुभयाे ।
प्रतियोगितामा क्षीरेश्वरनाथ नगरपालिकाभरिका माविस्तरका विद्यालयका विद्यार्थीहरुकाे सहभागिता रहेकाे सहयाेगी समाजका प्राेयेल परियाेजनाका अनुगमन अधिकृत जनक अधिकारीले जानकारी दिनुभयाे ।
क्षीरेश्वरनाथ नगरपालिकाकाे आयाेजना र युराेपियन युनियनकाे सहयाेग तथा हेल्भेटास नेपाल/ सहयाेगी समाज नेपाल सर्लाही एंव युथ प्यानल क्षीरेश्वरनाथ नगरपालिकाकाे सहकार्यमा अन्तर विद्यालय वक्तृत्वकला प्रतियोगिता आयाेजना गरिएकाे युथ प्यानलका सह संयाेजक खुर्सैद राईनले जानकारी दिनुभयाे । प्रतियोगिताका निर्णायक मण्डलकाे तर्फबाट मावि ईच्छापुरका प्रअ बैकुण्ठ कुमार श्रेष्ठ नतिजा घाेषणा गर्नु भएकाे थियाे ।
