स्वागतम खबर
महेन्द्रनगर, असोज ३ ।
सिन्धुली जिल्लाको कमलामाई नगरपालिका ६ स्थित भगवती अंग्रेजी माध्यमिक विद्यालयमा अध्ययनरत धनुषा सपहीका एक विद्यार्थीको हत्या गरिएको भन्दै स्थानीयहरु आन्दोलित भएका छन् । हत्या घटनाको निष्पक्ष छानविन गर्नुपर्ने, पीडितको जोहरी जिल्ला प्रहरी कार्यालय सिन्धुलीमा दर्ता गर्नुपर्ने, घटना मुचुल्का, पोष्टमार्टम रिर्पोट, घटना स्थलको सिसिटिभी फुटेज सार्वजनिक गर्न माग गर्दै सपहीका स्थानीय गाउँलेहरु सडक संर्घषमा जाने निर्णय गरेका छन् ।
धनुषाको लक्ष्मीनियाँ गाउँपालिका ४ सपहीका ४२ वर्षीय गणेश कुमार साहका करिव १४ वर्षीय छोरा रजनिश साहको गत भदौ २ गते अध्ययनरत स्कुलको होस्टेलका वार्डेनले हत्या गरेको घटना अनुसन्धानमा प्रहरी प्रशासनले कुनै चासो नलिएको र जाहेरी समेत दर्ता नगरेकाले सडक संघर्षमा जानुपर्ने आवस्था आएको स्थानीयबासी राजकुमार मण्डलले बताउनुभयो ।
आज धनुषाको सपहीमा पत्रकार सम्मेलनको आयोजना गर्दै स्थानीयहरुले पीडित परिवारको न्यायका लागि दवाव दिन गाउँलेहरु सडक संर्घष अन्तर्गत सपहीमा चक्का जाम गर्ने तथा सम्बन्धित निकाय, मानव अधिकार आयोग, नेपाल पत्रकार महासंघ लगायत सबै ठाउँमा न्यायको लागि अपिल गर्ने मण्डलले भन्नभुयो ।
सिन्धुलीको कमलामाई नगरपालिका ६ स्थित भगवती अंग्रेजी माध्यमिक विद्यालयको होस्टेलमा बसेर कक्षा ८ मा अध्ययनरत आफ्ना छोरा रजनिशलाई होस्टेलका वार्डेनले हत्या गरेको आरोप पीडित गणेश कुमार साहको रहेको छ । छोरालाई कुटपिट गरेर झुण्डाएको र आफै झुण्डिएको भनेर हल्ला फिँजाई उपचारको लागि सिन्धुली अस्पतालमा लगेको आफुलाई भदौ २ गते साँझ मात्र खबर गरेको उहाँले बताउनुभयो । आफु सिन्धुली पुग्दा छोरालाई अवस्थाको गम्भीर भएकाले धुलिखेल लगेको र आफु २ बजे राति धुलिखेल पुग्दा छोरा बोल्न नसक्ने अवस्थामा आईसियुमा भर्ना रहेको र ६ दिन पछि त्यहि मृत्यु भएको उहाँले भन्नभुयो । त्यसपश्चात लक्ष्मीनियाँ गा.पा. ४ का वडाअध्यक्ष रमेश कुमार साह र गाउँले सहित घटनास्थल स्कुलमा पुग्दा झुण्डिएको होस्टेल कोठा, पासो लगाएको भनिएको गेट र त्यही रहेको सिसिटिभीको फुटेज नहुँनुले घटना शंकास्पद रहेकाले मानव अधिकारवादी संघसंस्थालाई न्याय दिलाइदिन उहाँले आग्रह गर्नुभयो ।
घटना विषयमा जिल्ला प्रहरी कार्यालय सिन्धुलीमा जोहरी लिएर पटक-पटक जाँदा पनि प्रहरी प्रमुखले दर्ता गर्न नमानेको गुनासो पीडित साहले गुनासो गर्नुभयो । उहाँले विद्यालयका प्राधानाध्यापक कृष्ण कुमार उप्रेती, होस्टेल ईन्चार्ज मोहन खड्का, राजेश क्षेत्री र सस्ंथापक संजय दहाललाई नियन्त्रणमा लिएर घटना विषयमा सत्य तथ्य बुझ्न सुक्ष्म र गहिरो अनुसन्धान हुनुपर्ने माग सहित हुलाक मार्फत जाहेरी पठाएको समेत जानकारी दिनुभयो ।
यता लक्ष्मीनियाँ गाउँपालिका वडा नं. ४ का वडाअध्यक्ष रमेश कुमार साहले पनि रजनिशको हत्या गरिएको छ, भन्दै स्कुल संचालक, व्यवस्थापक र वार्डेनलाई नियन्त्रणमा लिई घटनाको सुक्ष्म अनुसन्धान गर्न माग गर्नुभयो । यो आत्म हत्या नभई हत्याको घटना रहेको र पुरै शंकास्पद रहेकाले जाहेरी दर्ता गरी पीडितलाई न्याय दिलाउन आफु स्थानीयको साथमा रहेको बताउनुभयो ।
घरकै जेठा छोराको शंकास्पद मृत्यु घटना पश्चात पीडित परिवार विच्छिप्त छन् ।
यता रजनिशको दुखद र असमायिक निधन भएको भन्दै विद्यालयले भदौ ८ गते निकालेको शोक वक्तव्य पनि घटना शंकास्पद रहेको बुझिन्छ, उहाँले भन्नुभयो । पीडित परिवारलाई आफुहरुले २५ लाख रुपैयाँ दिएर घटना मिलापत्र गरेको भन्दै स्कुल पक्षले अभिभावकहरुमा फैलाएको हल्ला पनि निराधार र झुटो रहेकोले सो स्कुलमा विद्यार्थी पढाउने अभिभावकहरुलाई सचेत हुने वडाअध्यक्ष साहले आग्रह गर्नुभयो ।
सो स्कुलमा धनुषाका मात्रै सयौंको संख्यामा होस्टेलमा बसेर विद्यार्थी अध्ययनरत रहेको बताइएको छ ।
