गतम खबर
महेन्द्रनगर, कार्तिक ७ ।
धनुषाको क्षीरेश्वरनाथ नगरपालिका वडा नं. ९ दिगम्बरपुरस्थित साना किसान कृषि सहकारी संस्था लि.कोे २२ औं वार्षिक साधारणसभा बुधवार भव्यताका साथ सम्पन्न भएको छ । साना किसान कृषि सहकारी संस्था लि.दिगम्वरपुरका अध्यक्ष लक्ष्मी कुमार यादवको अध्यक्षता तथा मधेश प्रदेशका भूमि व्यवस्था, कृषि तथा सहकारी मन्त्री जर्नादन सिंह क्षेत्रीको प्रमुख आतिथ्यमा साधारणसभा मनाइएको छ । सो साधारणसभाममा विशिष्ट अतिथिको रुपमा क्षीरेश्वरनाथ नगरपालिकाका नगर प्रमुख सुखदेव यादवको उपस्थिति रहेको थियो ।
संस्थाको नजिकै रहेको स्कुलको प्राङ्गणमा भएको साधारणसभा समारोहमा संस्थाको वार्षिक आयव्यय, प्रगति विवरण र अगामी कार्ययोजना प्रस्तुत गरिएको छ । साधारणसभामा संस्थाको अगामी योजना प्रतिवेदन संचालक समितिका अध्यक्ष लक्ष्मी कुमार यादव, लेखा परिक्षण प्रतिवेदन लेखा समिति संयोजक ईन्द्रा कुमारी महतो र आयव्यय प्रतिवेदन संस्थाका प्रबन्धक चन्द्र किशोर सिंह (सिके) ले प्रस्तुत गरेका छन् ।
प्रस्तुत प्रतिवेदन अनुसार संस्थाले आर्थिक वर्ष २०८०/०८१ मा ५ करोड ८ लाख ९० रुपैयाँ आम्दानी गरेको छ भने ८८ लाख २ हजार रुपैयाँ नाफा आर्जन गरेको छ । यस्तै संस्थाको ऋण असुली दर ९४ प्रतिशत रहेको छ ।
संस्थाले आर्थिक वर्ष २०८०/०८१ मा ३० करोड ४८ लाख ५८ हजार रुपैयाँ ऋण लगानी गरेको छ भने २६ करोड ५१ लाख ४६ हजार रुपैयाँ ऋण असुली गरेको प्रतिवेदनमा उल्लेख छ । यस्तै संस्थाले गत आ.व.मा विभिन्न शिर्षकमा ४ करोड २० लाख ८८ हजार रुपैयाँ खर्च गरेको छ ।
गत आ.व. को प्रतिवेदन अनुसार संस्थाले ५५ लाख १८ हजार रुपैयाँ ब्याज उठाउन बाँकी रहेको छ । यस्तै संस्थाले संचालन गरेको एम्बुलेन्स सेवाबाट आर्थिक वर्ष २०८० /८१ मा ६ लाख ७० हजार ५० रुपैयाँ आम्दानी गरेको छ
प्रतिवेदन अनुसार संस्थामा आर्थिक वर्ष २०८०/०८१ मा ४ सय ५५ वटा महिला समूह र ८६ वटा पुरुष समूह गरी जम्मा ५ सय ४१ वटा समूह रहेको छ । यस्तै संस्थामा महिला शेयर सदस्यको संख्या १ हजार ६सय ६५ जना र पुरुष शेयर सदस्य ७ सय ५३ जना गरी २ हजार ४ सय १८ जना रहेको छ । आ.व. २०८०/०८१ को लेखा परिक्षण प्रतिवेदन अनुसार संस्थाको शेयर रकम २ करोड ९० लाख ३३ हजार रुपैयाँ रहेको छ ।
यसैबीच संस्थाको २२औं साधारणसभाले संचालक समितिले गरेका विभिन्न निर्णयहरुलाई समेत अनुमोदन गरेको संस्थाका प्रबन्धक चन्द्र किशोर सिंह (सिके) ले जानकारी दिनुभयो । प्रबन्धक सिंहका अनुसार साधारणसभाले विमा बचत कार्यक्रममा आबद्धता गराउने, उच्च व्याज र मध्यम व्याज दर घटाउने, शेयर थप गर्ने, शैक्षिक ऋण उपलब्ध गराउने, संस्थाका विनियम पुनः लेखन गर्ने, शेयर सदस्यलाई १२ प्रतिशतका दरले लाभाशं वितरण गर्ने आदि निर्णयलाई अनुमोदन गरेको छ ।
साधारणसभामा क्षीरेश्वरनाथ नगरपालिका र धनुषाधाम नगरपालिकाका जनप्रतिनिधी, साना किसान विकास लघुवित्त वित्तीय संस्था लि. शाखा कार्यालय बर्दिवासका शाखा प्रबन्धक यवराज गैरे, संस्थाको संचालक समितिका पदाधिकारी, शेयरधनी, बचतकर्ता लगायत हजारौं स्थानीयहरुको उपस्थिति रहेको थियो । सो अवसरमा संस्थाले प्रमुख अतिथि, विशिष्ट अतिथि लगायत विभिन्न व्यक्तित्वहरुलाई दोसल्ला ओढाई सम्मान समेत गरिएको थियो ।
साना किसान कृषि सहकारी संस्था लि. दिगम्बरपुर आफ्नै सुविधा सम्पन्न भवनमा संचालनमा रहेको छ ।
साधारणसभामा आयव्यय प्रस्तुत गर्दै संस्थाका प्रबन्धक : भिडियो / / विनोद
