स्वागतम खबर
महेन्द्रनगर, माघ २६ ।
धनुषाको मिथिला नगरपालिका २ नक्टाझिजस्थिति हिमालय युवा क्लवको ३०औं वार्षिक साधारणसभा शनिवार सम्पन्न भएकाे छ । क्लवका अध्यक्ष विजयकुमार महताेकाे अध्यक्षता तथा मधेश प्रदेश सरकारका खृलकुद तथा सामाजिक विकास मन्त्री प्रमाेद जयसवालकाे प्रमुख आतिथ्यमा साधारणसभा मनाइएकाे छ ।
साधारणसभाकाे अवसरमा क्लवका कानुनी सल्लाहकार अधिवक्ता डा.कालेश्वर महताेले प्रत्येक वर्ष प्रदान गर्दै आएको ‘जगिया जैलाल कुशवाहा शिक्षा स्मृति पुरस्कार यस वर्ष पनि छात्रछात्रालाई प्रदान गर्नुभएकाे छ । साे पुरस्कार २०७९ र २०८० सालकाे एसइई परिक्षामा मिथिला नगरपालिका वडा नं. २ बाट सबैभन्दा बढी जिपिए मार्क सहित उत्तीर्ण चार जना विद्यार्थीलाई प्रदान गरिएकाे उहाँले बताउनुभयाे । दुई जना छात्र र दुई जना छात्रालाई पुरस्कार वापतकाे रकम जनही रु. पाँच हजार र सम्मान पत्र प्रदान गरिएकाे छ ।
उक्त पुरस्कार पाउनेहरुमा २०७९ काे एसईईमा ३.७५ जिपिए ल्याएकी अञ्जलीकुमारी महताे र ३.७० जिपिए ल्याएकाे राेशनकुमार यादवलाई प्रदान गरिएकाे छ भने २०८० काे एसईई मा ३.८६ जिपिए ल्याएकी छात्रा प्रितिकुमारी महताे र ३.७८ जिपिए ल्याएकाे रुपेशकुमार महताेलाई प्रदान गरिएकाे हिमालय युवा क्लवका सचिव महादेव सिंहले जानकारी दिनुभयाे ।
क्लवका कानुनी सल्लाहकार एवं अधिवक्ता डा. महतोले आफ्ना स्वर्गीय आमाबुवाको नाउँमा स्थापना गरेको ‘जगिया जैलाल कुशवाहा शिक्षा स्मृति पुरस्कार प्रत्येक वर्षको एसईई परीक्षामा उत्कृष्ट अंक ल्याउने मिथिला नगरपालिका वडा नं. २ का एकजना छात्रा र एक जना छात्रलाई प्रदान गरिदैँ आएकाे छ ।
