स्वागतम खबर
महेन्द्रनगर , माघ २६ ।
धनुषाको मिथिला नगरपालिका २ नक्टाझिजस्थिति हिमालय युवा क्लवको ३०औं वार्षिक साधारणसभाकाे अवसरमा आयाेजित हाजिरी जवाफ प्रतियोगितामा दर्शनिया रामेश्वर सिंह कुशवाहा एकेडेमी स्कुल महेन्द्रनगरले प्रथम स्थान हासिल गरेकाे छ । दर्जनभन्दा बढी विद्यालयकाे सहभागिता रहेकाे हाजिरी जवाफ प्रतियोगितामा दर्शनिया स्कुलका विद्यार्थीले पहिलाे स्थान प्राप्त गर्दै पुरस्कार हात पारेकाे छ ।
नक्टाझिजस्थित जनता माध्यमिक विद्यालयमा भएकाे साे प्रतियोगितामा दर्शनिया स्कुलबाट सहभागी विद्यार्थी अमरेशकुमार सिंह, शिवशंकर महताे र अलिसा रायले प्रथम स्थान हासिल गर्दै पुरस्कार हात पारेका छन् ।
यस्तै साधारणसभाकै अवसरमा आयाेजित १०० मिटरकाे दाैड प्रतियोगितामा जनता माध्यमिक विद्यालय नक्टाझिजले पहिलाे स्थान प्राप्त गरेकाे छ भने दर्शनिया स्कुलले दाेस्राे स्थान प्राप्त गरेकाे विद्यालयले जनाएकाे छ।
