स्वागतम खबर
ढल्केवर असार ४ ।
धनुषाको मिथिला नगरपालिकाका मेलमिलापकर्ताहरुको एकदिने पुर्नःताजगी तालिम बुधवार सम्पन्न भएको छ । मिथिला नगरपालिकाको न्यायिक समिति तथा कानुन शाखाको आयोजनामा सो तालिम सम्पन्न भएको छ ।
तालिम कार्यक्रमलाई मिथिला नगरपालिकाका उपमेयर सुनितासिंह बुढाथोकी, प्रमुख प्रशासकीय अधिकृत अशोक कुमार भण्डारी, वडा नं. ७ का वडाअध्यक्ष रामबहादुर स्यांग्दन, प्रशासन शाखा प्रमुख सुर्य नारायण सिंहले शुभकामना मन्तव्य राखेका थिए ।
तालिममा मेलमिलापकर्ताहरुले नगरपालिकाको विभिन्न शाखाको विषयमा राखेको जिज्ञासाका विषयमा लेखा अधिकृत रामबाबु साहले जवाफ दिएका थिए भने मेलमिलापको क्रममा आउने समस्या तथा कानुनी अड्चन लगायतको विषयमा ईलाका प्रहरी कार्यालय ढल्केवरका प्रहरी निरिक्षक जटाशंकर यादवले जवाफ दिएका थिए ।
तालिममा नगरभरिका मेलमिलापकर्ताहरुको उपस्थिति रहेको थियो । विहान १० बजेदेखि सुरु भएको पुर्नःताजगी तालिम बेलुका ५ बजेसम्म चलेको थियो ।
