स्वागतम खबर
महेन्द्रनगर, कार्तिक १२ ।

धनुषाको रमदैया भवाडीस्थित जानकी मेडिकल कलेज शिक्षण अस्पतालले आजदेखि न्यूरो सेवा सुरुवात गरेको छ । कलेज व्यवस्थापन पक्षले बुधवार पत्रकार सम्मेलन मार्फत देशकै ख्याती प्राप्त न्यूरो सर्जन चिकित्सक राखेर न्यूरो विभाग सुरुवात गरेको जनाएको छ ।
विश्व स्ट्रोक दिवसको अवसर पारेर कलेजले न्युरो विभागको उद्घाटन गरेको जानकारी दिएको छ ।
कलेजले न्यूरो सर्जन विशेषज्ञ सहितको चिकित्सक टिमबाट अब यहि कलेजमा टाउकोको सम्पूर्ण उपचार र जटिल प्रकारका विरामीको अप्रेसन समेत हुने कलेकोका अध्यक्ष ओम प्रसाद पाण्डेयले बताउनुभयो ।
उहाँले यहाँका विरामीलाई टाउकोको समान्य उपचारको लागि पनि बाहिर जानुपर्ने बाध्यतालाई मध्यनजर गर्दै न्यून शुल्कमा आजबाट २४ औं घण्टा वरिष्ठ न्युरो सर्जन डा. जितेन्द्र ठाकुर र डा. हेमन्त कुमार साहले न्युरो सम्बन्धि सम्पूर्ण सेवाहरु प्रदान गर्नेछन् ।
न्युरो सर्जन डा. जितेन्द्र ठाकुरका अनुसार न्युरो सम्बन्धि उपचार गर्न आवश्यक सम्पूर्ण उपकरणहरु अस्पतालमा व्यवस्था भइसकेकाले अब यहि शिक्षण अस्पतालमा न्युरो सम्बन्धि जुनसुकै समस्या यही समाधान हुनेछ ।

यता पत्रकार सम्मेलनमा डा. हेमन्त कुमार साहले न्युरोमा टाउकोको बाहेक पनि अन्य अंगहरुमा देखिने नसा, ट्युमर र स्पाईनका समस्याहरु पनि यहीँ उपचार गर्न मिल्ने बताउनुभयो ।

अस्पतालका अनुसार न्युरो सम्बन्धि उपचारमा धेरै जोखिम हुने र अत्याधुनिक प्रविधीका उपकरणहरु हुने भएकोले जहाँ पनि खर्च बढि लाग्ने गर्छ । तर मधेश प्रदेशका बिरामीहरुलाई विशेष ध्यानमा राखेर अस्पतालले न्यूनतम शुल्कमा उपचार गर्ने प्रतिबद्धता अस्पतालले जनाएको छ ।

जानकी मेडिकल कलेजमा ५०० बेड रहेको छ भने ४ वटा सुविधायुक्त ओटी र १ं० वटा पोस्ट अपरेटिभ कक्ष सञ्चालनमा रहेको छ । अस्पतालले मेडिसिन, नेप्टोलोजी, जनरल सर्जरी, न्युरोलोजी, अर्थोपेडिक्स, गायनेकोलोजी, प्याडियाट्रिक्स, ईएनटी, नेत्र, डेन्टल, डर्माटोलोजी, साइकियाट्रिकका साथै लयाबेरेटरी र २४ घण्टा वरिष्ठ रेडियोलोजिस्ट टोलीद्वारा युएसजी र सीटी स्क्यानको सेवा दिँदै आएको कलेज जनाएको छ ।