स्वागतम् खबर
ढल्केवर, कार्तिक २९ ।
धनुषाको मिथिला नगरपालिका ३ हरिहरपुरस्थित सदगुरु कविर बाल आश्रममा शनिवार “आजको शिक्षा भोलीको भविष्य” नारा सहित उपेश सन्देश मुलक शिक्षक वाटिका कार्यक्रम गरिएको छ । विजलपुरा रुपान्तरण अभियान कार्यक्रम अन्तर्गत पूर्व विद्यार्थी मञ्च श्री जनता माध्यमिक विद्यालय डाँडाटोल विजलपुरा महोत्तरीको आयोजनामा शिक्षक बाटिका कार्यक्रम भएको छ ।
पूर्व विद्यार्थी मञ्च डाँडाटोल विजलपुराका संयोजक धन नारायण श्रेष्ठको संयोजनमा आयोजित शिक्षक वाटिकामा सो विद्यालयमा अध्ययन गरेर सरकारी तथा गैरसरकारी क्षेत्रका विभिन्न उच्च र सम्मानित पेशामा सफलता प्राप्त गरेका शिक्षक, शिक्षिका लगायतको व्यक्तित्वहरु आफ्नो अनुभव सुनाएका थिए ।
सो अवसरमा मिथिला नगरपालिका वडा नं. ३ का वडाअध्यक्ष राम एकवाल महतो, श्री जनता माध्यमिक विद्यालय डाँडाटोल विजलपुराका प्रधानाध्यापक हरिदेव महतो, सदगुरु कविर बाल आश्रमका बाबा सत्यनाराण आलोक, नेपाल कृषि सहकारी केन्द्रीय संघका संचालक रामकुमार महतो, विश्वलाल सिंह कुशवाहा, श्रवण महतो लगायतको उपस्थिति रहेको थियो ।
कार्यक्रममा आश्रमका बन्दना आलोकले मानव जिवनमा शिक्षाको महत्व विषयमा मार्मिक र भावुक शब्द संयोजनसहित प्रखर वक्ताको रुपमा सबैलाई मन्त्रमुग्ध बनाइन् । उनले आफ्ना कला र मिठासपूर्ण स्वरबाट सन्देश मूलक कविर भजन समेत गाएकी थिईन् । शिक्षक वाटिकामा साहेव बालेश्वर महतोले समेत कविर भजन गाएर कार्यक्रमलाई उपदेश मुलक बनाएका थिए । उक्त कार्यक्रम पश्चात आश्रममा भण्डारा समेत गरिएको थियो ।

बन्दना आलोकले प्रस्तुत गरेको भजनको अंश